Shtetet e Bashkuara kanë shprehur shqetësimin se operacioni humanitar i planifikuar nga Rusia në Ukrainën lindore, mund të përdoret si "pretendim" për një ndërhyrje ushtarak.
Departamenti i Shtetit ka përsëritur se Rusia nuk ka "të drejtë të ndërhyjë në Ukrainë pa lejen e Kievit".
Rusia ka deklaruar se është duke dërguar një konvoj humanitar në Ukrainë me mbikëqyrjen e Kryqit të Kuq dhe pa përcjelljen ushtarake ruse.
Presidenti i Ukrainës, Petro Poroshenko, ka thënë se ai është pajtuar për një mision humanitar ndërkombëtar, në të cilin përfshihet bashkëpunimi nga Bashkimi Evropian, Gjermania, Rusia, dhe të tjerët, por i cili do të udhëhiqej nga Kryqi i Kuq.
Petro Poroshenko, tha se çfarëdo misioni humanitar duhet të jetë “ndërkombëtar dhe pa kurrfarë përcjelljeje ushtarake” nga forcat e Rusisë.